高通 (Qualcomm) 公佈今年Q24財政預期，當中除咗透露因「某部流動裝置延期開售」而導致Q4盈利稍遜預期，最矚目嘅就係與華為達成協議，收取約18億美元專利費。

實際上，由於高通於通訊晶片處於龍頭位置，過去一直都向各大手機生產商包括Apple收取專利費，但又正因佢幾乎壟斷市場而且專利費又收得貴，所以一直都有相關官司纏身。例如上年就與Apple達成協議，當時Apple一嘢畀24.5億美金專利費，獲取未來使用高通技術嘅權利，而新iPhone又的確係用高通晶片，所以先會有本文最開頭個「某部流動裝置延期開售而導致Q4預期盈利下降」嘅情況。

而今次華為支付18億美金專利費基本上係同一性質。據《Financial Times》引述高通發言指，呢18億係用作支付「過去專利期，及2020年上半年新合約下嘅專利費」。目前美國政府依然禁止高通向華為出售晶片。

另一邊廂，中國媒體就指今次和解係「華為賠錢 撕開美國重圍缺口」。