玩音響好多人追求又大部又浮誇的機器，不過絕大多數人唔係咁發燒可能只想要一部融入家居的影音電器同實惠易入好價格，因此馬蘭士薄身AV AMP向來深受消費者歡迎， 繼早前馬仔推出全新旗艦機款後，九月又推出易入屋纖薄經濟的超薄8K AV擴音機Marantz NR1711。AV擴音機係家庭影院的靈魂，作為入室影音器材不可缺少 ，如果你唔特別追求高級家庭影院，但又想連接喇叭環繞享受8K影音新世代，入平價超薄AV擴音機就係聰明選擇。

最新馬蘭士NR系列超薄型擴音機Marantz NR1711係第一部支援8K的超薄家庭影院擴音機，適合迎接PS5新世代來臨。超薄型擴音機已經係「馬仔」的標准產物，代代都有支持者，全新一代高度只係標淮AV AMP的一半，相當慳位。但所有最新功能通通有齊，有七聲道輸出，每聲道90watt足夠應付大多數的喇叭，而且支援最新的新世代技術 HDMI 2.1功能。

首先，佢支援8K / 60fps直通的HDMI連接（一輸入一輸出）。另外仲有另外五個HDMI輸入，可播放4K / 120fps影視規格，多種HDR格式（Dolby Vision，HLG，動態HDR同HDR10 +）以及沉浸式的杜比全景聲（Dolby Atmos）和DTS:X surround技術。HDMI eARC（音頻回傳信道）的兼容性也可以將唔同環繞聲格式從電視應用程式直接傳輸到AV AMP。用家可以使用杜比全景聲（Dolby Atmos）高度虛擬化技術和DTS Virtual：X技術，試玩虛擬3D聆聽體驗，而無需專用的高度或環繞喇叭。 

之前介紹馬蘭士旗艦級AV擴音機嘅時候都講過，今年新一代係對遊戲迷最直接的喜訊，因為最先可以測試同發揮8K / 60fps正是大家熱切期待的PS5和Xbox Series X的發布。實際就要等新PS5推出之後實測體驗。但數字同規格上大家可以優先配合一下。當然除左觀看電影和玩遊戲之外，NR1711仲通過支持HEOS高分辨率音頻，支援多房間串流媒體音樂播放，AirPlay 2和藍芽連接，甚至黑膠唱盤輸入功能，繼承日式擴音機多功能風格。

Marantz NR1711將會係9月正式上市，有黑金或銀金兩種顏色選擇，售價649英鎊比上一代貴左少少。