美中關係越趨緊張，直接導致中國品牌於北美市場受壓，據Moneydj引述韓聯社報導，韓國手機品牌LG錯有錯著地成為得益者，於北美嘅第二季市佔率微升0.3%。

LG V60 ThinQ 5G

中國手機品牌如小米、Oppo以及華為一直佔據北艾低階智能電話市場，但隨住美中關係緊張，顧客似乎轉而尋求其他選擇，其中據Strategy Analytics數據，LG的北美第二季市佔率為13.9%，比上季增長1.3%。特別要留意嘅係LG於第二季並無推出任何新機，報導引述LG高層估計，係V60 ThinQ及平價機種取代中國品牌位置。

LG電話業務成績一向疲弱，至今錄得連續21季虧損。今次意外得益，或者有助走出困境。