自從和諧客機退役，民航客機嘅外型就冇咩大改變，但隨住荷蘭皇家航空及荷蘭代爾夫特科技大學成功試飛「Flying-V」嘅模型機，或者不久嘅將來，我哋就有機會坐住佢去旅行啦——如果大家仲有得去旅行嘅話。

Flying-V與目前使用嘅民航客機最大分別，在於其扁平而且呈V字形嘅機身設計。與一般民航機將客艙、貨艙以至燃料倉集中於圓筒型機身不同，Flying-V嘅機身就係機翼嘅一部份，而客艙、貨艙、燃料倉。據電腦演算，呢個設計能夠提升空氣動力效能並減輕機身重量，雖然唔會令到架機快咗或者載多啲客，但就令長途機更為慳油。

而早前荷蘭皇家航空及荷蘭代爾夫特科技大學就成功試飛以Flying-V按比例縮少，翼展3米重22.5kg嘅模型機。收集到嘅數據將會用於微調機身設計，以增強機身穩定性。同時亦會測試利用液態氫作燃料嘅實驗。

資料來源：KLM