Google於香港時間今早舉行硬體發佈會，除咗正式推出早前已經有哂流出嘅Pixel 4A 5G版，以及Pixel 5G之外，亦公佈咗全新嘅Chromcast with Google TV、以及取代Google Home嘅智能家居控制器Nest Audio。以下就係為大家整理嘅懶人包。

Introducing #Pixel4a5G!

6.2” OLED display. Ultrawide lens. A more powerful battery. And even a headphone jack. https://t.co/OH3Q4IKmFq #LaunchNightIn pic.twitter.com/RS02Et4nIR

— Made By Google (@madebygoogle) September 30, 2020

A water-resistant phone that creates quite a splash. The new #Pixel5 has 8 GB of RAM and wireless and reverse wireless charging to use with your Pixel Stand or to charge your Pixel Buds on-the-go.https://t.co/YYzCyiRlDR #LaunchNightIn pic.twitter.com/JB9NVMeWvK

— Made By Google (@madebygoogle) September 30, 2020

Pixel 4A 5G、Pixel 5

早前都為大家報導過兩部新機嘅流出內容，對照返發佈會就會發現流出內容又真係幾準確。雖然睇個名好易會理事解成「支援5G嘅Pixel 4A」，但比起Pixel 4a，Pixel 4A 5G規格上其實係更接近Pixel 5。例如兩部機都係6.2吋Full HD+ OLED、無下巴嘅全螢幕 (4a只有5.8吋，有下巴)、兩部都係用Qualcomm嘅Snapdragon 765G (唔係最高級嘅CPU，但比4a嘅730要好)、兩部都有1200萬像素Dual Pixel後鏡加個1600萬象素廣角鏡 (4a係單鏡)。

而Pixel 4a 5Gr與Pixel 5嘅最大分別，係Pixel 5個Mon用上Gorilla Glass 6玻璃，以及有90Hz刷新率，另外Pixel有8GB Ram (4a 5g與4a一樣係6GB)、有IPX8防水以及支援無線充電，但就冇咗個3.5mm插頭。售價方面，Pixel 5賣699美金，比4a 5G嘅499美金要貴，但比Pixel 4初初出時又要平100蚊美金。以下係Pixel 4a、4a 5G及5三部機嘅對比圖。

You asked, we listened–#Chromecast has a little help coming your way. And, it even comes in three different colors. Watch @YouTube and @Netflix and get help with just a press of the Google Assistant button.#LaunchNightIn https://t.co/E75uqzpThV pic.twitter.com/X2gW6RgvR3

— Made By Google (@madebygoogle) September 30, 2020

Chromecast with Google TV

新Chromecast後面嘅「Google TV」，其實亦即係新版Android TV，所以新Chromecast除咗個樣變咗橢圓形同啞面之外，最重要係使用介面唔同咗，而且亦可以使用遙控，更支援4K影像、Dolby Vision及Atmos音效，同時亦因為使用基於Android TV嘅Google TV，所以能夠觀看Netflix、HBO Max、Prime Video、Disney Plus等各大串流平台，淨係冇Apple TV Plus啫，原因大家都知啦？售價方面賣49.99美金，即係四舊水有找，比起某「盒子」仲平。但要留意新Chromecast必須連接電源線先用到，對於有完美走線執著嘅人黎講可能會麻煩咗啲。

Meet #NestAudio from Google.

With its woofer, tweeter, and tuning software, crisp vocals and powerful bass, #NestAudio delivers your music the way it should sound.#LaunchNightIn https://t.co/E75uqzHuGv pic.twitter.com/locTr9fB1D

— Made By Google (@madebygoogle) September 30, 2020

Nest Audio

Nest Audio將會取代Google Home，成為Nest Mini之上、Nest Max之下嘅智能家居控制兼喇叭。Nest Audio外形與Nest Mini有幾分相似，都係有層塑膠皮包住成部機，底下再加四盞LED指示燈，驟眼睇有啲方包嘅樣。功能方面，Google話Nest Audio比起Google Home音量大75%，低音亦勁50%，而除咗播歌之外，當然亦支援Google Assistant。賣99.99美金，10月5日開售。