【影視】Chadwick Boseman 遺作《Ma Rainey's Black Bottom》

文：MenClub 魏文青　　
POSTED ON 01 Oct 2020

8月底因癌症離世嘅《Black Panther》男星Chadwick Boseman，雖然生前數年都處於與癌症搏鬥嘅情況，但依然希病上陣拍攝多部作品。Netflix最新公佈其最後一部電影《Ma Rainey's Black Bottom》嘅劇照，令大家能再次感受Chadwick Boseman嘅風采。
Here's your first look at Viola Davis and Chadwick Boseman in MA RAINEY'S BLACK BOTTOM, based on August Wilson’s award-winning play from director George C. Wolfe.@MaRaineyFilm comes to Netflix 18 December. pic.twitter.com/fuMIec46KC — NetflixFilm (@NetflixFilm) September 30, 2020
《Ma Rainey's Black Bottom》改編自由August Wilson創作嘅同名百老匯舞台劇，由兩屆「東尼獎」得主George C. Wolfe執導。其劇情主要發生於1927年美國芝加哥一間錄音室之中，Boseman飾演嘅小號手Levee，原本要為女明星Ma Rainey (Viola Davis飾)錄音，卻因為Ma遲到、白人監制嘅不滿、錄音技術問題，以及與其他成員嘅爭吵，導致悲劇發生。電影預計於12月18日上線。