據《Reuters》報導，牛津大學物理學院成功研發肺炎嘅超快速測試，只需5分鐘就能夠知道結果。研究人員下一步將會基於快速測試，設計出能夠產品化嘅民用測試方法，有望於商店或機場等人流高嘅地方使用。

《Reuters》亦指，預計2021年初就能進入產品化階段，之後嘅6個月內，民用版快速測試就能面世。大學同時亦研究將研究分拆，又或希望更多人投資，以加速產品化進程。