美國國防部日前發表一份指引，指為避免「數據風險」，呼籲美國企業避免使用「與中國相關的設備」。

截圖自：Data Security Business Advisory

指引說明，「分享敏感資料予位於中國的企業、使用中國有份擁有或有中國公民擔任高層或保安相關位置嘅公司開發嘅軟硬件」，都會「令企業及顧客暴露於更高的風險之中」。而點解中國企業咁危險呢？就係因為中國有「法例脅逼中國企業向中國政府提供數據及相關資訊」，包括於設備上安裝後門、提供加密碼等等。指引中仲寫明，被偷嘅資料「對於加強解放軍的科技知識及能力非常重要」。

簡單黎講，呢份指引就係同美國企業講中國政府嘅企業信唔過，尤其係有中國政府資金或技術緩助嘅就更加信唔過。仲叫美國企業要特別小心「與禁止出口貨品相關的資料」、「商業秘密等知識產權」、「生物科技、基因數據及醫療測試數據」、「能分辨出身份的敏感資料」及「地理位置數據」等五大項。