兩個月前Apple公佈「因為環保」所以iPhone 12全系列都唔會跟插頭嘅時候，多個電話廠商例如Samusng都開post嘲笑Apple嘅決定，不過原來一切都只係五十步笑百步。除咗Samsung一直被傳會跟隨Apple唔送插頭之外，中國手機廠商小米最新推出嘅「小米11」亦唔會跟插頭。

圖片：截圖自雷軍微博

小米創辦人雷軍日前於個人微博中發文，指「響應科技環保的號召」，所以小米11唔會附送充電器，基本上就同當日Apple講出黎嘅理由一模一樣。有趣嘅係中國網民似乎都唔滿意小米嘅決定，紛紛指小米好學唔學，一學就學壞，有人更指「不買，立即環保百份百」，獲得近三萬人讚好。

圖片：截圖自Xiaomi Espana on Twitter

當日Apple宣佈唔送插頭時，小米西斑牙官方Twitter曾發文指「以為小米手機唔包插頭，好彩係惡夢」嘅Post，到目前為此該貼文依然存在於Twitter之上。另一邊廂，Samsung官方Facebook亦曾經發文話「你部Galaxy會包哂你最需要嘅嘢，由最基本嘅插頭、最好嘅鏡頭……都有」。不過隨住Samsung嘅新機似乎都唔會跟插頭，該貼文已經被刪。