{ SKIP }
文:MenClub 魏文青  
POSTED ON 19 Feb 2021

Facebook旗下嘅WhatsApp於1月時宣佈推出新使用條款,用家必須同意WhatsApp將其用戶資料分享予Facebook先可以繼續使用,結果引起巨大反對,亦造就另一通訊軟件Signal冒起,最後WhatsApp就宣佈延遲啟用新條款——不過黎緊又會再推啦。

據WhatsApp官方Blog上嘅文章指,經過上次單嘢之後「我們思考了哪些地方有待改善,希望讓大家知道我們向來重視端對端加密的防護措施,並相信我們會竭盡全力保護使用者的隱私和安全」。而為咗令用戶更了解WhatsApp嘅理念,「在未來幾週內,我們會在 WhatsApp 內顯示橫幅,讓使用者依照自己習慣的步調詳閱其中資訊。我們也已新增其他資訊,試著回答我們聽到的疑慮。」

簡單啲黎講,就即係WhatsApp依然堅持推行新使用條款,而佢覺得之前大家咁唔鍾意係因為唔了解,所以黎緊就喺個App到Pop啲資訊出黎試圖說服你,更重要嘅係,無論最終說唔說服到,「我們會開始提醒使用者若要使用 WhatsApp,必須先詳閱並接受這些更新。」而據較早前嘅另一篇Blog文章,用戶最遲需在5月15日前接受新條款,否則將不能繼續使用WhatsApp服務。

特別有趣嘅係,WhatsApp喺Blog文之中除咗解釋下自己嘅諗法之外,仲有一段係講緊「其他應用程式」:

「在這段期間內,我們知道有些人曾考慮使用其他應用程式提供的服務。據我們所知,有些競爭對手號稱他們看不到使用者的訊息,但只要應用程式未預設使用端對端加密,他們就可以讀取您的訊息。還有一些應用程式聲稱他們收集的資訊比 WhatsApp 少,所以比較好。我們相信使用者想找的是既可靠又安全的應用程式,即使 WhatsApp 需要收集有限的資料也無妨。我們對自己所做的任何決定都要求完整考慮各個層面,也會持續開發新的方式,以更少的資訊完成這些責任,而非要求更多資訊。」

圖片:Blog.WhatsApp.com

一邊同大家講:「我哋個新法好安全,你哋唔支持係因為唔明同有誤會」,然後再話「其他人都係咁,可能仲差過我」,最後仲強逼要人接受——整鬼你成件事咁熟口熟面嘅?

資料來源:Blog.WhatsApp.com

美國電動車初創公司Fisker表示,會將品牌第二款電動車交由台灣鴻海富士康代工組裝,最快於2023年開始投產。 Fisker推出嘅首款電動車 據Fisker指,新款電動車將係「有未來感」、「前所未見」以及「價錢實 ...
tech
【電動車】富士康將為「Tesla殺手」Fisker代工電動車
26 Feb 2021
據調查公司Omdia數據顯示,iPhone 11榮登2020年全球最暢銷手機,總共賣出6,480萬部。雖然MenClub編輯部仝人所推崇嘅iPhone 12 mini曾傳出銷情不佳或會停產,但都能夠擠入前十名。 (圖片截至:wccftech) ...
tech
【科技】iPhone 11成去年全球最暢銷手機 前十名有一半都係iPhone
25 Feb 2021