2016由延尚昊導演所拍嘅《屍殺列車》，喺香港上映首日就成為票房冠軍，最後更榮登香港史上最賣座韓國電影寶座。除咗喺香港好收得之外，全球亦錄得將近1億美元票房。荷里活多間製作公司見套戲咁賣得，都紛紛爭取買下翻拍權，最後由製作公司「New Line Cinema」（華納旗下公司）喺2018年成功投得，並宣佈會搵知名恐怖片導演溫子仁團隊合作。

（圖片截至：imdb）

據外媒《Deadline》獨家報導，最近有消息人士爆料指「New Line Cinema」已經搵咗印尼籍導演Timo Tjahjanto擔任《屍殺列車》翻拍版導演，而溫子仁就無份執導，但會擔任電影監製。劇本將由曾執筆《詭娃安娜貝爾（Annabelle）》、《小丑回魂（It）》及《詭修女（The Nun）》嘅Gary Dauberman負責，預計2025年上映。

溫子仁早年以《恐懼鬥室》打出名堂，曾執導或監製多部恐怖片。（圖片截至：imdb）

暫時未有翻拍版劇情及選角具體消息，但單睇個製作班底，可能會拍到變恐怖驚悚片都唔定。