Nikon日前宣佈會於今年內推出首部Z接環的全片幅無反旗艦機Z9，由於目前公開嘅資訊非常稀少，連相都係得一張，所以能討論嘅地方並唔多，目前大家著眼都係個機身大細。

圖片：Nikon

Nikon公告指Z9「集合Nikon破革性技術」，能「帶來Nikon史上最佳影像及影片表現」，並提到用上「FX格式堆疊式CMOS感光元件和新的影像處理引擎」，另外亦可以拍到8K片及「其他格式以滿足不同需求」。

而睇圖呢，就會發現Z9自帶直度手把，方面大家影直度相，但呢個決定亦令機身比起同級嘅Sony Alpha 1及Canon EOS R5黎得更加大部。有人就話慳返啲錢，有人就話咁鬼大部就失去咗無反嘅特色。實際效果係點就要等到見到機先知。Nikon並無於公告中講明Z9推出日期，淨係話預計2021年內會推出啫。有興趣嘅Gentlemen要慢慢等下啦。