{ SKIP }
文:MenClub 魏文青  
POSTED ON 25 Aug 2021

Apple雖然係一間人所共知嘅巨型企業,但由於其充滿「秘密」嘅作風,內部發生緊咩事其實好少人知。近日就有一班蘋果員工走出黎成立工會,並指控公司內部嘅不公平文化。

綜合外國媒體報導,一班蘋果員工成立名為「#AppleToo」嘅工會組織,並指公司內部充滿孤立、貶低及操控,以及大量性別、種族歧視問題。「我哋試過哂所有內部方法,我哋同主管傾過、同人事部講過、以企業守則投訴過,但一切都係冇變」,於是就成立 #AppleToo 嘅Twitter及網站,希望為員工發聲。組織第一步係收集所有蘋果員工曾經歷過嘅「歧視、不公、恐嚇、打壓、脅逼、無理懲罰及無約束的特權」事件。

值得一提嘅係,撰文之時 #AppleToo嘅官方網站已經下架,但Twitter仍在運作。

雖然據報 #AppleToo嘅核心成員只有15位蘋果內部員工,但事件一出,好多前員工都發聲分享同工不同酬之類嘅問題。於2018年由蘋果跳槽到Google、後來被辭退嘅時曾投訴Google內部充滿歧視嘅Timnit Gebru亦公開支持 #AppleToo。「我仲喺蘋果做嗰陣見過好多令人震驚嘅事,我都好奇怪點解蘋果每次都走得甩。我好高興見到蘋果員工團結起來,蘋果一早就應該負責。」

資料來源:The VergeNew York Post
上週SpaceX成功進行首次全平民太空計劃「Inspiration4」,包括任務金主Jared Issacman在內嘅四名乘客於太空逗留三日後,於本週日成功返回地球,寫下商用太空里程碑。不過SpaceX 創辦人Elon Musk近日承認,其實成個旅 ...
tech
【太空旅行】便便週圍飄?Elon Musk指Inspiration4 「廁所有問題」
24 Sep 2021
我們每一個都曾經係Sunny....
tech
【Apple】Mike導全新短片《I'M SORRY》帶出「錯誤使我們變得強大」
24 Sep 2021