隨住疫情影響導致居家娛樂需求增加，近年除咗Switch、PS5等遊戲機，就連高達模型GUNPLA都成為黃牛黨炒賣對象，令一班真模型迷只可以捱貴食炒價。最近名古屋市一間玩具模型店就諗到新招，要求玩家買熱炒高達模型嗰陣要即場開盒拆膠袋，並剪出部份零件。

ガンプラ少量ですが入荷しました。
フィギュアライズ　ラクス・クライン
MGエクリプスガンダムなど#おもちゃのミッキー#ガンプラ　#ガンダム pic.twitter.com/UocCVxwG5b

— おもちゃのミッキー (@mickey_shimada) August 19, 2021

其實為咗打擊模型炒賣行為，玩具模型店同BANDAI都諗過唔少方法，例如BANDAI見到某款模型炒價一升嗰陣，就會即刻補大量貨到各大店鋪，另外有部份鋪店更設有限購政策，只準玩家買一盒熱炒模型。不過上述做法都各有壞處，前者就曾經被人鬧係「飢餓行銷」，後者就可能影響到有特殊需要嘅買家，例如屋企有兩個或以上小朋友嘅父母，買得一盒唔通想佢哋爭餐死咩。

真玩家應該唔介意要即場拆件。

有見此及，最近名古屋市模型店「おもちゃのミッキー」就到新招，要求玩家購買熱門或存貨量低嘅模型需要即場拆盒剪件，咁做對真玩家嚟講確實無傷大雅，反正返到屋企都係要剪，但對黃牛黨嚟講盒模型就唔係全新，轉手價即時跌咗一大節。唔知大家又點睇呢個做法呢？或者香港嘅模型鋪都可以參考一下。