由於YouTube Music背⁠景⁠播⁠放功能只限付費訂閱用戶使用，所以冇升級嘅朋友播歌嗰時唔可以關閉螢幕或切換到其他程式，否則音樂會自動停止。不過，近日YouTube就宣布將會解除限制，率先向加拿大用戶免費提供背景播放功能，預計會陸續推廣到更多國家及地區。

目前免費版YouTube Music除咗有廣告之外，最唔方便就係唔支援背景播放功能，如今YouTube宣布解除限制，相信會有助擴大用戶群。不過值得注意嘅係，雖然官方免費開放背景播放功能，但非付費用戶仍然會遇到廣告，所以想享受0廣告干⁠擾嘅朋友都係要升級到⁠YouTube Music Premium或YouTube Premium。