繼上年9月歐盟立法統一充電規格後，最近中國工信部亦出手，表示會促進充電接口及技術融合統一，減少電子垃圾提升資源利用率，或者大家好快就可以一線走天下。

據中國傳媒報導，日前中國工信部針對網易CEO丁磊有關統一電子設備充電接口嘅提案作出書面回覆，表示會促進充電接口及技術融合統一，藉此減少電子垃圾，提高資源利用效率。跟住落嚟會鼓勵廠商設計並生產接口統一嘅智能設備，同時加強電子電器產品回收。雖然目前只係提案階段，但勢必會對使用自家接口嘅Apple造成影響，或會加速Apple Lightning接口淘汰。

事實上，現時Apple新出嘅iPad及MacBook都轉咗用USB Type-C接口，相信iPhone都會慢慢跟上步伐。