Apple日前正式舉行春季嘅發佈會，同外界預想嘅一樣，全新嘅iPhone SE 及 iPad Air 均喺發佈會中登場，同時iOS 15.4、warchOS 8.5等軟體都已經準備就緒，只係差最後推出嘅日期。而要數當中最多人關注嘅，相信就係「Face ID 口罩解鎖」功能，屆時大家就算帶住口罩都唔酬要透過Apple Watch或除低口罩先可以解鎖。

全新iOS 15.4嘅口罩解鎖功能，將可以透過掃瞄用戶眼睛周圍區域進行分析，從而解鎖，而用戶將必需注視屏幕先可以解得到鎖。另外值得一提嘅係帶住普通眼鏡都將可以成功解鎖，但戴太陽眼鏡則不能。

唔單止用於解鎖功能，以上功能亦適用於Apple Pay 支付交易及第三方App 登入驗證。不過，呢個功能目前只適用於iPhone 12 系列及之後嘅機種而已。

喺疫情肆虐嘅呢段日子，能夠唔使除口罩就可以解鎖，呢個功能唔單止方便，更重要嘅係保障用家喺街上使用iPhone時候嘅衛生安全風險。