{ SKIP }
文:MenClub 魏文青  
POSTED ON 12 Apr 2022

現時科學界普遍相信,恐龍滅絕於距今約6500萬年前嘅一次隕石撞擊。科學家估計當時有一粒寬5-15公里嘅隕石墜落於現今嘅墨西哥灣,造成寬170公里的希克蘇魯伯隕石坑,撞擊以及揚起嘅塵土造成嘅全球氣溫下降、生態系統崩塌,最後絕大部份植物及如恐龍等大形生物滅絕。而一群科學家早前就聲稱,於美國發現隕石撞擊當日死亡嘅恐龍化石,或有助了解當時嘅情況。

由Robert DePalma帶領嘅發掘團隊,於距離希克蘇魯伯隕石坑3,000公里嘅北達科他州Tanis化石場中,搵到一系列新化石。當中包括一隻「完美保存」嘅奇異龍後腿、一塊三角龍嘅皮膚、一隻可見翼龍BB在內嘅翼龍蛋,以及大量魚類、烏龜嘅化石,其中團隊於魚類化石嘅鰓部,發現一啲由岩石融化再冷卻而成、類似玻璃嘅藍莓石 (spherules) 結晶,所以相信呢群生物都係6,500萬年前隕石撞擊嘅第一批死者。

Robert DePalma指,佢哋於化石場中搵到大量細節,「能夠逐秒地話畀我哋知當時發生咗啲咩,就好似睇緊套戲咁」。

圖片:BBC

但科學界目前對Robert DePalma嘅發現仍有疑問。愛丁堡大學教授Steve Brusatte指出,雖然鰓中有藍莓石嘅魚類化石的確好有可能係死於隕石撞擊,但其他化石就有可能係撞擊之前就已經死咗,只係撞擊令佢哋出土然後又被埋藏。但佢同時亦指出,即使該批恐龍及動物唔係死於隕石撞擊,今次嘅發現依然都係個創舉。

而BBC就會於4月15日播出相關紀錄片,並由David Attenborough爵士負責旁述。

資料來源:BBCScienceAlert
隨住科技不斷發展,唔單只有電動車、電動船,就連客機都有電動!由以色列公司Eviation開發,號稱全球首架電動客機Alice日前成功試飛,為商業電動飛行邁進一大步。 blockquote class="twitter-tweet"p lang="en ...
tech
【科技】全球首架電動客機Eviation Alice完成試飛!充電30分鐘可飛1小時
30 Sep 2022
Apple今年秋年發布會隆重推出Apple Watch Ultra,搭載鈦金屬錶殼及藍寶石水晶玻璃錶面,號稱歷來最堅固、最強大嘅Apple Watch,滿足一眾熱愛上山下海嘅運動好手。有見及此,最近有外國YouTuber就實測一下隻錶究竟有 ...
tech
【科技】扑到枱爛隻錶都未爛!Apple Watch Ultra耐久度極限測試
27 Sep 2022