自從大家追求兩性平等，以往係靚女集中地嘅展覽會、賽車場就幾乎見唔到任何靚女出現，而日本可以話係少數仲保留呢個優良傳統嘅地方，唔單止賽車場上仲有Race Queen出沒，佢哋仲可以借為跳板踏入寫真界！好似今晚要介紹嘅呢位「Nanami」咁就係個好例子啦！

Nanami於2016年出道成為Race Queen，在此之前，佢其實係一名美容從業員，離職之後就去咗做宣傳模特兒，由於身邊好多同事都有做Race Queen及寫真女星，於是佢就跟埋一齊去，最後亦於上月推出首張個人寫真DVD。身材纖瘦嘅Nanami最大賣點當然係佢對纖幼長腿，加上充滿姐姐味道嘅打扮，相信都有唔少男士捧場啦！

資料來源：_773.a_ on IG、_773a_ on Twitter