{ SKIP }
文:MenClub Frey Lai  圖:互聯網
POSTED ON 05 May 2015

近年愈來愈多gadgets都玩上身,而且好多都係同運動有關,方便你可以記錄運動時嘅身體狀況。你見Android wear同Apple Watch都有sports版,你就知道做運動gadgets有幾大需求啦。

軍用級防水塗層
第一眼望到火紅色嘅Plantronics BackBeat FIT Lava時,即令人諗起夏天好快就到,而夏天為大地帶來雨水之餘,亦帶來汗水,所以BackBeat FIT Lava呢款運動型嘅藍牙耳機就有防水同防汗水功能,等大家可以戴住做運動。BackBeat FIT Lava擁有IP57防水級別同防塵功能,兼且仲有P2i納米防汗水塗層,即係可以喺1米水深防水30分鐘,就算玩到連人帶單車跌埋落水,搞到濕晒都唔驚。講多樣嘢你知,原來P2i納米塗層係由原本隸屬於英國國防部嘅公司研發,所以防水效果夠保證。


防水只係浸完冇事,唔係比大家落水聽歌講電話。

耳機左邊有播放/暫停掣,而右邊就有接聽掣。

耳機用咗軟膠,可以隨意屈曲。





反光設計最啱夜跑
做得上身嘅Sports gadget,首要條件係要夠輕身,BackBeat FIT Lava重量只有24g,非常輕身,而且仲保留上代嘅反光塗層,等各位night runner夜晚跑得安全。BackBeat FIT Lava仲有埋臂帶,而新嘅臂帶用咗雙面設計,反轉就唔同款。除此之外,臂帶仲有收納空間可以放到5"左右嘅手機,iPhone 6同Galaxy S6都可以袋袋平安。

雙面設計臂帶只夠放5"手機,如果用緊iPhone 6 Plus就放唔落嚕。

臂帶用咗魔術貼,戴得好穩陣。




半開放式設計保留環境聲
今次BackBeat FIT Lava用咗MEMS咪,令話音特別清晰。至於音質方面,用咗13mm動態單元嘅BackBeat FIT Lava都算唔錯,低音輸出尚算有力,而且通話時嘅話音都夠清晰。值得一讚就係佢嘅半開放式設計,可以隔到部份雜音之餘,亦能保留到環境聲音,等大家跑步或者踩單車時都可以聽到路面同周圍嘅聲音,咁就唔怕塞住耳仔就乜都聽唔到咁危險。

依家凡購買BackBeat FIT系列產品,就可獲贈Pure Fitness 7天免費試玩通行證一張,戴埋新耳機去做運動就啱晒。




Explorer 500智能抗噪藍牙耳機
除咗運動型嘅BackBeat FIT Lava,Plantronics仲啱啱推出行政款嘅藍牙耳機Explorer 500,一動一靜。Explorer 500將當代藝術融入耳機,佢嘅設計靈感係嚟自美國著名嘅密爾瓦基美術館建築,斜紋設計的確係有幾分安藤忠雄嘅純淨而樸實風格。

特製嘅USB充電線用咗磁石扣,方便扣喺手袋或者皮帶上。

用呢條「磁能線」就可以叉電,帶出街搵到方叉電都唔難。

喺耳機上有掣可以切換使用語言,唔使入選擇轉就快捷得多。


Explorer 500係一款智能抗噪藍牙耳機,佢嘅高清話音更有GSMA認證,加上有雙麥克風抗噪同通風槽設計,令話音可以更加清晰。同時Explorer 500仲可以對應Siri、Google Now同Cortana呢三大語音系統,配合埋廣東話、普通話同英文3種語音提示,不論係通話定係語音操作手機都一樣方便全面。




售價︰BackBeat FIT Lava($998)/Explorer 500($428)
查詢︰LRT‧2395 3913
網址︰www.leader.com.hk











有可能於3年內面世?
tech
【Apple眼鏡】外媒報導Apple正與台灣富士康試製AR眼鏡
13 Jul 2020
【代替USB?】Intel宣布今年推出Thunderbolt 4 支援8K視訊 40 Gb/s 頻寬 對於電腦連接我只係識USB? 原來除左USB 4(我只識USB3.0),佢對家叫做 Thunderbolt ,而Intel剛剛公佈左最新Thunderbolt 4 規格細節,放心 ...
tech
【代替USB?】Intel宣布今年推出Thunderbolt 4 支援8K視訊 40 Gb/s 頻寬 ...
09 Jul 2020