Ikea於2019年與SONOS合作推出「SYMFONISK」系列，將音響融入檯燈、書架等家居擺設之中。而近日佢哋就再為「SYMFONISK」系列推出新產品，除咗更新咗檯燈個樣之外，仲加入真正有聲有「畫」嘅新產品，畫框喇叭！

先講檯燈喇叭。與2019年推出嘅舊款相比，新款嘅「燈座」，亦即係喇叭部份一改「上闊下窄」嘅花樽造形，線條變得更簡潔，同時有黑白兩色可供選擇。而燈罩方面亦有現代風格嘅玻璃款，以及典雅風格嘅竹款，方面大家配合本身嘅家居風格。用家可以透過SONOS應用程式控制喇叭，亦可以加購手掌大小嘅聲音遙控器，用一個按鈕操作播放、暫停、轉歌等動作。而照明部份亦可以加Ikea嘅TRÅDFRI遙控燈膽組合，以控制開關、燈光顏色及亮度。

至於全新嘅畫框喇叭，就更加將喇叭完全融入家居擺設之中。畫框喇叭嘅本體為一個41cm x 57cm、厚6cm嘅扁平設計，有黑白兩色，本身就可以掛於牆上又或且斜放於地下。而且喇叭嘅面板可以更換，目前Ikea推出嘅面板有名作《蒙娜麗莎》以及《星夜》，另外亦有Gustav Klim 設計的《生命樹》，以及走現代風格嘅《飛淺》和《唱片》，以配搭不同家居。

資料來源：IKEA