{ SKIP }
文:MenClub 魏文青  
POSTED ON 19 Oct 2022

早前精神狀態唔太穩定嘅英國名模、演員Cara Delevingne,經過一輪休息後似乎恢復得唔錯,日前更加出席康城mipcom影視節,宣傳佢主持兼製作,將會於Hulu及BBC播放嘅性愛紀錄片《Planet Sex》。席間佢就提到,佢本來以為自己好開放,但拍攝佢要親自參加一個「自慰研討會」,結果「原來我先係大驚小怪嗰個」。

單憑個節目名以及BBC有份播,你大概估到《Planet Sex》嘅主題雖然係關於性愛,但其實係一套正正經經嘅科學紀錄片。製作公司Fremantle嘅主席Simon Andreae指,節目每集都會提出一個關於性愛嘅重要問題,然後主持人Cara就會帶大家從科學、文化、個人層面等探討該問題,最後再得出結論。

而Cara就回憶起其中一集嘅內容係要佢去參加一個「自慰研討會」。「我以為會係去上堂,要抄筆記。點知去到係一個粉紅色、個地下有皮製運動軟墊嘅地方,仲有6個人在場,『好啦,除咗條底褲啦,呢到有潤滑劑』。去到嗰個Moment我先知自己原來係個老古板,我一直以為自己係個好潮、好有型、咩都願意試下嘅年輕女仔,但我當時係『Sorry,咩話?唔得呀,我絕對唔會做架』——不過到最後我基本上做哂所有我覺得可以做嘅嘢。」

佢亦提到節目拍攝非常多變,變到佢都覺得有啲跟唔上,「今日就話要喺你高潮時抽血去驗,聽日就帶你去個AV圖書館。」

據外媒報導,於影視節上傳媒可以睇到節目嘅頭十分鐘,而Cara幾乎係節目一開始就坦承自己係個「酷兒 (Queer)」。佢亦指出拍完個節目之後,對於自己嘅了解更多。「我覺得我嘅人生係需要拍呢個節目。拍呢個節目前,我選擇從戀愛關係中稍為褪後,而節目就令我了解,原來我人生中係有啲嘢需要修復。」

資料來源:Variety
Sony Pictures今日公開「生化危機系列」最新動畫電影《生化危機:死亡島(Resident Evil: Death Island)》前導預告,Chris 、Leon、Jill三大主角再度登埸,預計今年夏季正式上映。 《生化危機:死亡島 ...
hobby
【動畫】三大經典角色回歸!全新動畫電影《生化危機:死亡島》公開前導預告
08 Feb 2023
大家想唔想香港嘅戲院都效法AMC呢?至少可以比貴少少揀個好啲嘅位。
hobby
【影視】全美最大院線AMC推分區票價計劃 座位愈好售價愈貴
08 Feb 2023