適逢萬聖節將近，以及貞子系列新作《貞子DX》即將上映，最近片商聯同日本的士平台S.RIDE合作，喺東京推出50部期間限定「貞子的士」。呢排會去日本嘅朋友不妨留意一下！

據官方介紹，「貞子的士」將於10月24日至11月6日間投入服務，除咗車窗貼上貞子貼紙，車內屏幕更會播放《貞子DX》電影預告，透過AR技術讓乘客親身體驗貞子從爬出屏幕！

《貞子DX》由木村尚執導，小芝風花、川村壹馬、黑羽麻璃央等人主演，講述一餅受到詛咒嘅錄影帶於網絡世界瘋傳，只要睇過錄影帶嘅人都會喺24小時內死亡，IQ200嘅天才研究生文華（小芝風花 飾）聯同占卜師前田王司（川村壹馬 飾）共同解開貫中謎團。