相信各位「色途老馬」都聽過Tumblr呢個社交平台，早些年因為突然禁絕色情內容導致平台訪問量及股票「插水式」下跌，從此一蹶不振。如今官方再次允許用戶發布裸體及成人內容，究竟能唔能夠東山再起呢？

最近Tumblr宣布放寬內容限制，歡迎更廣泛嘅表達、創作及藝術，當中包括裸體，成人素材及性主題。不過平台仍然禁止仇恨、垃圾資訊、暴力威脅等非法內容，另外對露骨性行為嘅視覺描述仍依舊禁止。

社交平台Tumblr自2007年創立以嚟，一向對成人內容保持開放態度，深受一眾色情創作者及「色途老馬」喜愛，高峰時期每月瀏覽量150億次，更喺2013年被Yahoo以11億美元天價收賺。然而，隨住平台因捲入兒童色情風波被App Store下架(已經上返架)，並喺2018年宣布永久禁絕色情內容，導致短短2個月內流失近30%訪問量，公司股價亦出現雪崩式下跌，2019年被Automattic以300萬美元超低價收購至今。