金像大導演James Cameron睽違13年科幻鉅作《阿凡達：水之道（Avatar: The Way of Water）》將於12月15日正式上映，片長長達3小時10分！唔知有冇機會打破前作票房紀錄呢？

從預告可見Jake Sully一家人離開雨林搬到海邊居住，並展示出潘朵拉星球各種奇珍異獸以及壯麗海底世界，有五彩斑斕嘅海洋生物，亦有能夠瞬間摧毀人類戰艦嘅巨型鯨魚。

《阿凡達：水之道》由James Cameron回歸執導及編劇，故事講述《阿凡達》事件10多年後，前人類軍人Jake Sully同納美人公主Neytiri搬到沿海嘅地方居住，並生下兩子一女，過住與世無爭幸福生活，但好境不常，威脅再度降臨。Jake為保護妻兒及部落，再度挺身而戰。

除咗「Jake Sully」Sam Worthington 、「納美人公主Neytiri」Zoe Saldana、反派上校「Miles Quaritch」等舊班底全數回歸，今次更加入《鐵達尼號》金像影后Kate Winslet及楊紫瓊等全新陣容。