{ SKIP }
文:MenClub 魏文青  
POSTED ON 15 Dec 2022

正所謂「街邊太多人與車」,香港條街不嬲都係又嘈又亂,所以近年唔少人出街都選擇戴住個耳機,就算唔聽歌都擋一擋啲噪音。但當條街所有人都係戴緊嗰幾款耳機時,你又會唔會覺得有啲悶?如果係咁,咁來自美國嘅GravaStar就應該可以滿足到你,因為單論個樣,佢絕對係全條街最型嘅耳機!

Sirius P5 (HK$798)

GravaStar推出嘅藍芽耳機Sirius P5以及Sirius Pro,雖然分別有12mm、支援aptX解碼嘅單元,以及7.2mm高階複合膜動圈喇叭,加一個全球頂級的樓氏動鐵單元,音質方面已經相當唔錯,但比起佢哋個令人過目不忘嘅外表,音質方面就顯得「平平無奇」。

Sirius P5採用模組化嘅設機,除咗「自成一組」嘅耳機及充電盒之外,仲會附送三個不同主題嘅科幻風外殼,只要你將耳機及充電盒組一拔一插,就可以將耳機改頭換面,配合不同場合、服裝搭配使用。同時Siriys P5有48毫秒延遲嘅遊戲模式、以及能夠重現清晰自然人聲及音樂嘅音樂模式,再加上機身RGB燈,成為顏值與功能性兼備嘅耳機。

Sirius Pro (HK$888)

而Sirius Pro雖然冇得換殼,但機身就用上啞黑色用鋅合金,再加上機身通窿嘅特別設計,以及6種RGB燈,充滿暗黑Cyberpunk科幻感。而嗰個窿亦唔係裝飾咁簡單,而係可以當開瓶器咁用。雖然我唔知喺咩場合之下要用到自備嘅開瓶器,但有備無患呀嘛!

音質方面,Sirius Pro除咗有7.2mm高階複合膜動圈喇叭,加一個全球頂級的樓氏動鐵單元嘅雙單元設計,令音色更均勻、空間感更強之外,亦有以5.1 虛擬環繞聲精確定位的遊戲模式、透過高清環迴立體聲營造電影院沉浸感受的電影模式,以及構築清晰自然高低人聲和音樂廳聲學效果的音樂模式。

Mars Pro (Shark 14 HK$2788、冥王黑/無垢白 HK$1588)

Mars Pro Shark 14

Mars Pro

除咗以上兩款藍芽耳機,GravaStar亦有推出無線家用喇叭「Mars Pro」。Mars Pro同樣走科幻風格,官方就話佢呢個叫「星艦造型」,我就覺得同《高智能方程式》入面個「雷神」非常似樣。喇叭嘅球形外殼同樣用上鋅合金,堅固之餘亦提高音色嘅穩定性;三隻有少少似蟲嘅腳可以兩段開合,以配合擺放空間,同時有減震橡膠避免移位。再加上6種RGB燈、以及LED觸控音量控制,唔播歌用黎做擺設都得呀。

音色方面,Mars Pro配有 2.5吋全頻揚聲器加1吋高頻高音揚聲器,再加上DSP音頻算法,高中低頻嘅輸出都非常足夠而清晰。而一次充電能夠連續播放15小時,亦適合大部份場景應用。

更多規格詳情,可以到GravaStar官網或者香港代理Unity Tech HK官網查看。

資料來源:Unity Tech HK

任天堂最新一代主機Switch 2今日正式發售,早前有幸抽中嘅人或者都急不及待返屋企拆盒開箱。不過任天堂就刻意提醒大家唔好撕掉跟機而來嘅螢幕保護貼,否則可能會出大事! 其實早於今個星期初,外媒《Ni ...
tech
【科技】買咗Switch 2嘅人注意! 任天堂警告勿撕原裝螢幕保護貼
05 Jun 2025
隨住AI技術及應用方式越黎越普遍,相信大家於日常生活甚至工作中都或多或少會使用AI,甚至會講到明被人知你有用。但根據一個美國新研究,「揭露使用AI」原來會令外界降低對你嘅信任度,但唔講然後被人發現嘅後果更差 ...
tech
【科技】坦白用AI導致信任度下跌 用咗唔講後果更慘
05 Jun 2025