人工智能聊天機械人「ChatGPT」自去年11月推出後大受歡迎，能夠幫助用戶翻譯文本、寫email、修改文法甚至乎吟詩作對，三個月都唔夠活躍用戶已已突破1億人。最近有消息指，中國科技巨頭百度亦不甘後人，計劃今年3月推出類似嘅AI聊天機械人服務。

據外媒《Bloomberg》消息指出，中國搜尋引擎公司百度正在開發一款類似ChatGPT嘅AI聊天機械人，起初將以獨立應用程式形式推出，後續再將該工具整合到自家搜尋服務，為用戶提供AI生成搜尋結果。

事實上，近年百度已耗資數十億美元研究AI，積極從網絡營銷轉型至更深層次技術研發，其中2019年就發開咗一個名為Ernie（百度文心）嘅大規模深度學習模型，嚟緊推出嘅「類ChatGPT」工具正正就係以Ernie為基礎。目前百度尚未回應有關報導。