Elon Musk 日前於個人Twitter 上存咗張手機截圖，原意係為咗展示Twitter App 佔咗成9.5GB 空間，並留言指「對唔住，呢個App 用咗好多位」。

不過網民們第一眼留意到嘅，就係截圖頂部仲有個用咗成11.5GB 空間，比Twitter App 更多嘅App。從個橙色logo，以及個名有個「hub」黎睇，相信應該係男士們非常熟悉嘅Pornhub。

暫時未知Elon Musk 上傳此圖有何用意，有人話佢下一步可能想收購Pornhub，亦有人估佢只係搞笑。