{ SKIP }
文:MenClub 魏文青  
POSTED ON 10 Aug 2023

NASA近日公佈由James-Webb太空望遠鏡 (JWST) 拍攝嘅太空高清照片,原意就想展示一組頗近太陽系嘅「赫比格-哈羅天體 (Herbig-Haro object或HH天體)」,但放大相片竟然發然,背景中嘅遙遠太空中,竟然出現一個完美嘅「?」,唔通係外星文明向地球發放嘅文字訊息?

卻說JWST早前拍下位於太陽系外約1470光年嘅「HH天體46/47」,亦即圖中心兩條橙紅色線嘅相交點,呢兩粒星體為相當年輕嘅恆星,僅形成數千年並不停對外噴射氣體,附近藍藍橙橙嘅就係佢哋產生嘅星雲。NASA指研究呢兩粒恆星會有助人類了解太陽當初係點形成嘅。

但撇除呢條「Hard Core科學」之外,有人就發現圖片嘅中間下方,竟然有一個頗為明亮、而且相當工整嘅橙色「?」。瞬間就令網民猜測是否外星文明留下嘅訊息。

個「?」位於圖中下方正中,大家又搵唔搵到?

對此,《National Geographic》就引述太空望遠鏡科學研究所嘅科學家Christopher Britt,指呢個「?」其實係於10億光年外兩個正在旋轉碰撞嘅星系。Britt教授指出,如果仔細睇嘅話,可以見到「?」當中有兩點特別光,當中一點就係「?」嗰點,另一點就喺條曲線之中,呢兩點就係兩個星系嘅中心。而附近嗰啲發光嘅,就係星系碰撞時被捲出嘅物質所形成。

哥倫比亞大學嘅天文學家David Helfand則指出,由於類似嘅現象於浩瀚嘅太空中非常常見,所以只要有心搵,唔好講「?」,其他標點符號都一定可以搵到出黎。

Britt教授亦指出,其實太陽系所在嘅銀河系,都會於四十億年後與最近嘅仙女座星系發生碰撞,到時由遠方睇可能都會有類似嘅景象。

資料來源:NASA

如果你知道咩係「錄影帶」、「錄影機」,甚至仲用親自用過黎錄低心愛嘅電視節目仲自己飛埋廣告,咁你好可能已經唔太後生。但同黑膠唱片一樣,錄影帶呢個技術雖然舊,其實仲未被完全淘汰,反而成為懷舊收藏嘅其中一種 ...
tech
【影視】《Alien: Romulus》12月推限量錄影帶版本
21 Oct 2024
等咗咁多年,終於有彩色Kindle喇!Amazon旗下電子書閱讀器Kindle今日一口氣推出4款新品,除咗首款彩色機型Kindle Colorsoft,既有嘅Kindle Paperwhite、Kindle Scribe及入門版Kindle亦迎來升級。 1.Kind ...
tech
【科技】Amazon推首款彩色電子書閱讀器 Kindle Colorsoft售價279.99美元
17 Oct 2024