喺日本文化中，所謂「王道」通常係指「最大路」、「最主流」嘅意思，所以「王道偶像」一方面可以話係「符合大眾口味」、「容易被接受」，但同時亦可以話「冇咩驚喜」、「都係嗰啲」。而要喺王道之中尋找突破，有時就需要喺啲好細微嘅地方花功夫，好似今晚要介紹嘅呢位「湊川みる」咁，佢嘅突破位就係細碼泳衣加寫真！

現年23歲嘅「湊川みる」，最初係以「日々是好日」嘅研究生身份於2020年出道，但後來就轉投偶像組合「トキメロ」，並成為組合嘅隊長兼中心成員。表面上睇，佢加入新團體就係「王道偶像」加「王道組合」嘅配搭，算唔上有咩大驚喜。但自從今年初佢選擇踏足寫真界，推出首隻寫真DVD，黎個「王道偶像賣性感」，情況就唔同講法。唔單止佢自己嘅寫真之路發展順利，更火速於7月「添食」推出第二隻寫真，就連組合都多咗人認識，可以話係雙贏。

平時進行偶像活動嘅「湊川みる」，多以「卡哇兒」風格示人，但其實佢身材頗有睇頭，而且每次拍寫真時啲泳衣，都好似刻意揀細咗一個碼咁，搞到上圍明明唔太驚人，但就造成「四瀉而下」嘅景象，甚至有中門大開、拉下內褲等撩人姿勢，令人眼一亮。

IG：mirurukawaii