日本女仔著遍身材好，相信大家都知，所以大家睇日本妹時不時都會爆出一句，「啲日本妹究竟食咩大？」而從今日要介紹嘅呢位「南みゆか」身上，大家就可能會搵到答案啦！

去年11月年滿18歲、今年4月先高中畢業嘅「南みゆか」，由於自細就憧憬AKB48及乃木坂48等女團，所以中學三年級就開始四出參加徵選，最後於2021年以女團「OS☆U」嘅妹妹團「OS☆K」成員身份出道。由於想進一步打響名堂，所以同年11月就進軍寫真界，於《週刊Young Jump》獻出自己嘅寫真處女作，結果憑住G Cup傲人身材火速爆紅，成為各大寫真雜誌嘅封面常客。

至於佢嘅傲人身材係點黎嘅呢？據佢早前接受《週刊Playboy》訪問時透露，佢初中時期非常鍾意食白飯，鍾意到放學返屋企途中，會先去阿嫲屋企用味噌湯送一碗白飯，然後返屋企食真正嘅晚餐，如果肚餓就會食多個杯麵，再用剩返啲湯送多碗飯。直到做咗偶像先開始節食同做運動。與此同時，佢上圍亦係自初中起就非常豐滿，佢仲話當時係「感到困擾」，直到高中時先識得欣賞自己嘅身材。

所以，簡單嘅結論就係，發育時期要食多啲嘢，身材先會好呀！

IG：o2_miyuka