曾經風靡一時、盛載無數80及90後青春回憶嘅ICQ，問世28年後不敵時代變化，近日宣布將於下月26日正式結束營運，走進歷史。

ICQ為英文「I seek you」縮寫，在1996年由以色列公司Mirabilis開發，開創了電腦即時通訊軟件先河，同時亦係唔少人嘅青春回憶，每日放學返屋企開電腦等朋友online吹水。。當年第一個帳號號碼為1001，隨住用戶不斷增長，帳號號碼好快就達到7位、8位數，甚至後期嘅9位數。後來被美國網絡商AOL收購，推出更多功能及包含廣告嘅新版ICQ後，程式就變得相當臃腫，令大量用戶轉會至MSN及Skpye等其他軟件，ICQ日漸式微。

雖然在2010年時，俄羅斯公司VK收購ICQ後推出過Android及iOS版本「ICQ New」，曾一度吸引唔少用戶回歸，可惜未能扭轉形勢，直至近日正式宣布將於6月26日結束營運。

ICQ New