{ SKIP }
文:MenClub 魏文青  
POSTED ON 07 Jul 2025

著名遊戲創作人、近年被Fans戲稱「全職追星」嘅小島秀夫近日因宣傳新遊戲《Death Stranding 2》而接受訪問,並提到佢多年來一直創作嘅動力來源。對此小島秀夫表示:「我希望同Tom Cruise一樣,創作到死前一刻。」

從1986年嘅《夢大陸 ADVENTURE》,到後來聞名於世嘅《Metal Gear Solid》系列,再到近年充滿特色嘅《Death Stranding》,小島房夫於近40年間創作出無數深入機迷心坎嘅大熱遊戲,亦令人好奇佢源源不絕嘅創作靈感以及動力何來,點解要一直創作。近日外媒《Game*Spark》就於一個專訪上直接向小島秀夫提問,後者表示:「我同Tom Cruise一樣(笑)。我整個人生都致力於創作,這是我的樂趣。只要我的腦及身體容許,我都會繼續創作。除非情況已經去到令我身邊嘅人感到不便,否則我會創作到死嘅一刻。」

小島秀夫之所以提起Tom Cruise,係因為後者早前於新一集《Mission Impossible》嘅紅毯上表示希望自己可以拍戲拍到100歲。

小島秀夫嘅回答另一引人注意嘅地方,在於佢只係提到「創作」而非「創作遊戲」,似乎顯示佢嘅創作方向並不限於遊戲。事實上小島秀夫嘅遊戲一直都以極重嘅電影感、超長嘅CG動畫而聞名,即使佢真係轉而創作電影似乎亦不為過。不過小島秀夫於同一個訪問中,就表示自己一直都以創作遊戲為首要目的:「我是看電影長大的,所以當我創作遊戲時會受到電影的光線、角色建模等影響,但我很清楚自己不是在製作電影,創作時最根本嘅想法都是考慮只能在遊戲在實現的事,包括那種奇怪的趣味感。」

資料來源:IGN

隨住AI生成工具進步及普及,網上充斥住愈來愈多AI生成假圖及假片,而且效果仲要幾何亂真。為研究人類能否分辨AI圖像,微軟做咗項大型實驗,吸引全球超過12,500人參與,總共進行了大約287,000次圖像辨識。結果顯示, ...
tech
【科技】微軟研究發現:人類分辨AI圖像成功率僅62%
30 Jul 2025
最近Insta360及DJI兩大公司互相進軍對方領域!繼無人機龍頭DJI早前宣布推出首款全景相機後,以360度全景相機聞名嘅Insta360今日就宣布成立無人機子品牌「Antigravity」,並預告下月將公開首款產品,一款支援8K全景拍 ...
tech
【科技】Insta360成立無人機品牌「Antigravity」 全球首款8K全景無人機下月登埸
29 Jul 2025