一個國家嘅文化實力是否強大，有時睇外來者係跟住你個文化走，定係堅持外來文化就可以得知。而如果呢個說法成立的話，今晚要介紹嘅呢位「仙北谷ハンナ」（Hanna)就可能係日本寫真文化強大嘅證據之一。事關呢位人生大部份時間都於倫敦生活嘅混血兒，近來全身投入於日本寫真界！

現年19歲嘅「仙北谷ハンナ」係一名英日混血兒，雖然於日本秋田縣出身，但仲係手抱嬰兒時就回到爸爸嘅家鄉倫敦生活，直到10歲時先再次回到日本。剛回到日本嘅佢因為曾經贏過縣級跳遠比賽冠軍，所以高中時都揀咗間田徑名校，但後來唔知點解放棄跳遠改為跳舞，點知成績更加好，今次贏埋全國大賽。

亦或者係因為跳舞嘅關係，所以佢成為韓國天團「防彈少年團」（BTS) 嘅Fans，仲曾經參加BTS經理人公司Hype嘅徵選，可惜最終未能入圍。

好在嘅係「仙北谷ハンナ」未有放棄。於2023年高中畢業當年先係參加高校生選美比賽「女子高生ミスコン」而認識到經理人公司，繼而再於去年參加集英社舉行嘅制服選美比賽「制コレ 2024」贏到準優勝（亞軍），為佢打開寫真之路。目前「仙北谷ハンナ」正穿梭於各大青少年雜誌間拍攝寫真，並憑著其白滑肌膚以及目前唔知道數字但非常有睇頭嘅上圍火速冒起，或者有望成為下一位寫真天后啦！

IG：hanna_0659