最近全球首富Elon Musk同歐洲廉航霸主Ryanair行政總裁Michael O'Leary隔空罵戰，火藥味十足！事件起因源於Ryanair基於成本考慮，拒絕為旗下機隊安裝Starlink衛星寬頻，Michael O'Leary更直指Elon Musk係「有錢嘅白癡」、對航空與阻力一曉不通。面對羞辱，Elon Musk隨即喺X上反擊，不但反斥對方係「徹底嘅白癡」，更揚言要收購Ryanair兼炒對方魷魚，換一位真係叫Ryan嘅人擔任公司CEO。

呢場「口水戰」嘅起因，緣自Michael O'Leary早前接受《路透社》訪問時嘅一番言論。佢表示，Ryanair唔會好似其他航空公司咁引入Starlink Wi-Fi服務，原因係安裝Starlink接收天線會增加飛機重量同飛行阻力（Drag），導致燃油消耗量上升約2%。加上Ryanair主要經營短途航線，平均飛行時間只係一個鐘左右，佢認為乘客根本唔會願意額外付費上網。

He is being misinformed. I doubt they can even measure the difference in fuel use accurately, especially for a one hour flight, where the incremental drag is basically zero during the ascent phase due to high angle of attack.

And compared to most other connectivity solutions,…

— Elon Musk (@elonmusk) January 15, 2026

A 2% fuel impact might be true for legacy terminals, but @Starlink's terminal is much lower profile and more efficient.  Our analysis shows that the fuel increase to a 737-800 (which burns 800 gallons/hour) with our current design is about 0.3%.   Also beg to differ on whether… https://t.co/ZtHanpPT7P

— Michael Nicolls (@michaelnicollsx) January 14, 2026

對此，Elon Musk隨即喺X發文反擊，質疑Ryanair是否能準確測量安裝Starlink對燃油消耗量嘅影響，同時指出短途航班起飛爬升時攻角（Angle of Attack）本身已經好大，額外增加嗰少少阻力幾乎可以忽略不計。Starlink工程副總裁Michael Nicolls亦加入戰團表示，舊款接收天線或者會增加2%油耗，但Starlink接收天線設計更薄、更流線型，燃油效率更高。而且團隊分析顯示，將Starlink天線安裝在波音737-800客機上，油耗只會增加約0.3%，而呢款機型正正就係Ryanair 機隊嘅主力。

"I would pay no attention to Elon Musk, he's an idiot.'@ryanair CEO Michael O'Leary responds to Mr Musk, calling him 'misinformed' for not putting Starlink - Mr Musk's satellite system - on his aircrafts.

Full interview below: pic.twitter.com/a50ACN0dau

— NewstalkFM (@NewstalkFM) January 17, 2026

原本雙方爭論尚算理性，但戰火真正升級，發生喺Michael O'Leary接受愛爾蘭電台Newstalk 訪問之後。Michael O'Leary在節目中直言：「Elon Musk對飛行同阻力嘅認識簡直係零。」並補充：「如果我哋將天線安裝到飛機上，每年將額外增加2至2.5億歐羅成本，換言之我哋每載一名乘客就要額外花費大約1歐羅成本，我哋根本負擔唔起呢筆錢。乘客係唔會願意花錢上網；如果免費，佢哋就話會用啫，但佢哋絕對唔會肯花1蚊歐羅上網。」

其後Michael O'Leary更將矛頭轉向人身攻擊，直斥：「我完全唔會理會Elon Musk講嘅說話。佢係一個白癡（idiot），雖然非常有錢，但仍然係一個白癡。」此外，佢仲形容Elon Musk掌管嘅社交平台X係「糞坑（Cesspit）」，並重提佢支持Donald Trump嘅立場，指對方根本唔值得認真對待。

Good idea

— Elon Musk (@elonmusk) January 16, 2026

面對如此直白嘅羞辱，Elon Musk自然唔會吞聲忍氣，隨即喺X回擊：「Ryanair CEO係徹底嘅白癡（Utter idiot）。炒佢魷魚啦。」有網民順勢起鬨，建議Elon Musk乾脆收購Ryanair再親自炒人，Musk亦簡短回應一句：「Good idea。」不過，Elon Musk發文反擊後冇耐，X 就因技術問題出現大規模故障，一度「死機」。Ryanair官方帳號即時把握機會抽水，發文嘲笑Elon Musk：「或者你都需要Wi-Fi？」

Should I buy Ryan Air and put someone whose actual name is Ryan in charge?

— Elon Musk (@elonmusk) January 16, 2026

呢個舉動似乎徹底觸動了Elon Musk神經，他隨後拋出一句驚人回應：「我係咪應該買起 Ryanair，然後搵個真係叫Ryan嘅人去做 CEO？」跟手仲搞咗網絡投票，目前有大約77%人支持、23%人反對。

Buy Ryan Air and restore Ryan as their rightful ruler

— Elon Musk (@elonmusk) January 19, 2026