話說今次Apple流言終於唔係講iPhone，不過可能大家未必會相信係乜：放大版iPad（或者iPad Pro）。 話說最近有人係新浪微博個邊放左一張大型機身鋁殼，殼面明顯見到Apple Logo同左上角一個鏡頭位，設計方面同一般iPad完全相似。

不過再睇埋隻手就明顯地見到機身已經有如一部13吋Macbook Air大細，但Air後面又唔會有後鏡頭，可能呢個就係傳說中既大Size版iPad。

而至於今次張相可信性？講真會有一定可能性，因為Samsung之前已經推出過12.2吋Galaxy Note Pro主打商業用途，而且Apple亦有試過係無聲無色情況下推出iPad Mini。所以Apple真係要推出13吋iPad去狙擊Samsung的話都並非不可行。不過價錢嗎…應該要去到6000大關同11吋MacBook Air基本型睇齊。