Muzo運用聲波技術原理，利用抗震將聲波隔絕喺有效範圍以外，令你可以有一個寧靜空間。使用時只要將Muzo放喺枱面或玻璃窗口呢類平滑平面上，撳個掣就會開著，就可以利用震動減低噪音。其實呢種降噪方式係有少少似耳機嘅降噪功能，利用反向聲波去消除相反頻率嘅噪音。

Muzo一共有寧靜(Serenity)、睡眠(Sleep)同私密(Secret)呢3個模式。寧靜模式利用反震動方法去減低環境音，；睡眠模式就可以將床附近聲音限制到一定分貝，更會釋放幫助睡眠嘅聲波，同時預設雨天、風雪同冷氣等10種場景畀你揀適合嘅降噪功能；最後一個私密模式就比較神奇，聲稱可以阻隔環境噪音之餘，更可以令其他人聽唔到你把聲。喂，咁以後啪啪啪咪唔怕嘈到人？仲可以周街講秘密添。

Muzo目前已經完成眾籌計劃，測試版今年底就會推出，正式版會喺出年2月開始派貨。不過暫時仲未見到有實物出現，而且望到有少少香港背景，令人擔心又會中伏。除此之外，就算真係成功推出都有隱憂，因為萬一發生意外就可能聽唔清出面發生咩事，或者其他人聽唔到你求救，咁就GG喇。

Muzo