{ SKIP }
文:MenClub 魏文青  
POSTED ON 30 Nov 2017
以一個成人影片串流網站黎講,Pornhub都可算係當中最特別嘅一個。佢哋唔單止定期就會公佈網站瀏覽數據,等大家知道世界上關於「睇咸片」嘅趨勢、唔同國家嘅喜好等等,而且喺「現實世界」中亦相當活躍,例如近幾年佢哋都不停地希望成為足球隊嘅心口贊助,早幾日又又有新搞作,就係喺紐約曼克頓SoHo區開咗間實體店!

「Pornhub」、「實體店」,我知呢兩個詞語併埋一齊一定會令你諗起一個充滿迷幻燈光、性感裸女嘅「架步」,但好抱歉,呢間實體店雖然真係會人AV女優駐場,但佢唔單止好光猛,仲係賣衫唔除衫嘅。據報Pornhub會由上星期五開始,於紐約70 Wooster Street開設期間限定店,入面會有個直播攤位,等大家可以一試於Pornhub上直播嘅感覺,同時又會出售同美國街牌Richardson合作嘅「Capsule」系列時裝,而班AV女優其實都只係去做Sales嘅啫。

實體店會開到12月20日,營業時間係星期一至六上午1100-2000、星期日1200-1900。而除咗紐約之外,Pornhub亦會於米蘭——冇錯,意大利嗰個——開設另一間實體店。邊個話咸濕嘢唔上得檯面架?

路過中環站與香港站中間隧道,聽到有女生拍男友肩膀,指著牆上保險廣告大嚷,哇你睇!羅敏莊佢媽咪咁似羅敏莊既喂! 我翻白眼,點計都應該係羅敏莊似佢媽咪,唔係佢媽咪似羅敏莊吓話? 女生依舊以 ...
thezone
王貽興 - 老婆將來變外母
14 Oct 2018
「寸前」,即係日文嘅「邊緣」,若然你能夠遊離於快感嘅邊緣,到最後一刻先跨過去,你將會得到無與倫比的高潮!
thezone
想得卻不可得!「寸前」的High翻天威力
14 Oct 2018