配對網站Match.com早前就公佈咗佢哋集合超過5000名美國用家意見嘅年度調查報告，94%受訪女性希望男方會於第一次約會上稱讚佢嘅外表、91%希望你會主動埋單、90%希望男方會先到約會地點、84%希望會有一個擁抱、甚至有71%嘅女性等緊你輕輕親吻佢條頸。簡而言之，就係令佢覺得備受重視。

而如果你成功帶佢返屋企，有83%女性希望你於床上會熱情而細心，78%希望會有良好交流——唔係單指體液交流呀下，76%要求男方精通接吻，當然，亦有75%女性認為高潮係好重要嘅。

咁有啲咩又係一定唔可以做嘅呢？例如於約會時睇電話、飲太多酒、對侍應們冇禮貌、遲到15分鐘以上等都係「No-no」黎嘅。

至於喺床上太多嘢講(82%)、冇熱情(74%)、唔轉位(63%)等都係令女性反感嘅行為。另外雖然只有14%嘅女性會因為你第一次於床上嘅表現唔好而離棄你，但女士們同時比男士更加抗拒「Bad Sex」，換言之你第一次可以表現唔好，但如果之後都冇改善，咁好快又要食自己啦。