{ SKIP }
文:MenClub Mean娜  圖:互聯網
POSTED ON 01 Mar 2018

溝女不成,總有大把原因,可能因為唔夠高、唔夠靚仔、唔夠有錢、唔夠幽默、唔夠細心、唔夠風度……但如果你自問自己條件唔差,但每次溝女都有「明明綠燈轉眼變成紅燈」嘅經歷,諗極都唔明開頭好地地,唔知中途自己衰邊瓣嘅話……就要留意下自己有冇踩中以下嘅魔鬼細節。



指甲太長或有污垢
唔好以為唔剪指甲好小事,其實女仔好介意,一來覺得唔衛生,二來覺得好乸型,見到就即刻扣晒分,嚴重者甚至連掂都唔想畀你掂。


鼻毛外露

男仔可能唔太在意毛髮問題,但鼻毛外露真係好顯眼,就算係靚仔,條女見到你幾條鼻毛飛晒出嚟,內心都會打個凸。


衣領黃黚黚
白色衫畀人一種清爽又乾淨嘅感覺,不過如果畀人見到你件衫嘅衣領黃黚黚,就會覺得你個人好不修邊幅好邋遢,印象分大減。

明顯嘅耳垢
正常其實好少人會理耳垢,但由於男仔多數都係短頭髮,如果個女仔企你側邊一望,就會即刻望到你耳仔,假如耳仔清潔得唔乾淨,有明顯耳垢,成件事就好似見到鼻屎外露咁,一樣會令對方內心感到︰Er…………………………

食嘢時發出聲音
其實唔少人咀嚼時都好似合唔埋個口,一路咬一路發出大大聲嘅「zap zap」聲,其實會令女仔覺得對方table manner而感到反感。

我唔要富X牛牛,我要美女牛牛
girls
【台灣美女】小而偉大 台灣直播主「牛牛妹」
13 Jul 2020
如果佢做你健身教練,你一定舉到條…鐵好高呀!
girls
【以色列美女】健身美女 「Sapir Berko」
11 Jul 2020