{ SKIP }
文:MenClub 魏文青  
POSTED ON 29 Apr 2018
於熱戀時期嘅情人,就算只係一個簡單嘅親吻都會令雙方興奮不已,更遑論大被同眠的「連場動作」。但兩人相處耐咗,當初嘅新鮮感就會慢慢被消磨,當日令人心動不已嘅「互動」,亦成為一如以往嘅例行工事。不過放心,呢個問題其實相當普遍,所以美國就有研究人員進行咗一個大型研究,搵出保持床上熱情嘅最好方法。
根據美國一項訪問咗接近40000名處於浪漫關係嘅異性戀者嘅研究顯示,保持與伴侶性愛熱情五大關鍵為「花時間建立氣氛」、「有足夠的溝通」、「接受對方為你口交(不論男女呀下)」、「本身關係良好」以及「在性事上有更多變化」。換言之,你哋喺「性」上花嘅心機、時間越多,雙方嘅滿足感亦會變大。
而其中一樣值得大家花時間嘅,就係「在性事上有更多變化」。美國性事專家Dr. Lehmiller指性愛嘅滿足程度其實同腦部分泌多少「多巴胺」有關,而例行工事式嘅性愛真係會「悶」親個腦,導致多巴胺分泌減少,所以滿足感就會減退。而解決方法其實亦好簡單,就係為性愛帶來新意。佢引用同一個研究,發現自評「性生活滿足」嘅男女有更高比例與伴侶進行「使用性玩具」、「穿著情趣內衣」、「鴛鴦浴」等行為。其中有72%對「性生活滿足」嘅男女會與伴侶按摩或者刷背、63%會定下「做愛」日子、59%會探索新的性愛姿勢、53%會去旅行二人世界。反觀對性生活不滿足嘅男女進行以上動作嘅比例就低得多,證明「新鮮感」與「性愛滿足度」之間的關係。
不過咁,Dr. Lehmiller亦講明「新鮮感」唔係必然會為大家帶來愉快而滿足的性愛。如果你與伴侶本身嘅關係出現問題,咁你加幾多新鮮感落去都係冇用。而且加入新行為時亦應該要與伴侶有足夠溝通,確保大家都樂意去試。所以嗰五大關鍵其實環環相扣,缺一不可——當然最唔可以缺嘅就係一個女朋友啦。
Lehmiller
唔少日本寫真女星都有個屬於自己嘅稱號,以方便Fans去記得佢哋。既然係咁,個稱號自然就應該同個人有返些少關係先得啦係咪?但我今晚要介紹呢位「西野夢菜」,就有一個我睇唔出同佢本人有咩關係嘅稱號睇黎要靠大家一 ...
girls
【深夜】睇唔明個稱號點黎 寫真界灰姑娘「西野夢菜」出寫真集
18 Jul 2025
一個兩個月大嘅BB可以做到啲咩?除咗食、屙、瞓同喊之外,好似都冇可以做到啦下嘛?但今晚要介紹呢位「加藤綾乃」,就由兩個月大開始就已經於日本演藝界出道,到近年更加成為多才多藝嘅寫真女星添! ...
girls
【深夜】2個月大就出道 多才多藝「加藤綾乃」成寫真冠軍
16 Jul 2025