{ SKIP }
文:MenClub 魏文青  
POSTED ON 09 Sep 2018
隨住科技進步,人類唔再需要望天打卦,季節變換亦慢慢「退化」成著咩衫同去邊到旅行嘅指標,但你又有冇諗過其實季節都會影響你嘅感情生活?例如啲人成日話夏天係戀愛嘅季節,實際上又有冇根據?根據研究似乎就有啦!
早於2016年就有研究指每年一到六、七月,喺Google上搜尋約會、性服務以及成人電影嘅人就會大幅飆升,似乎證明隨住起溫上升,人們對性與愛嘅需求亦隨之增加。另一方面,根據Facebook提供嘅(2010-2011)「感情狀況」數據,五月到八月亦係分手嘅旺季。兩者似乎就顯示夏天嘅「感情市場」「交投熾熱」,冇伴嘅想搵伴,有伴嘅又想換伴,甚至「有伴但係唔想換」亦有參與其中:根據著名「出軌」約會網站Ashley Madison嘅數據,一到夏天就會有大量新會員註冊,而七月又係全年註冊人數最多嘅日子。

咁究竟夏天有咩魔力令人投進情慾之海當中呢?答案或者比你想像中簡單,就係因為陽光。根據性愛與關係專家Tammy Nelson所說,夏天人們曬得多陽光,體內血清素就會增加,令人覺得更高興而且更有自信,於是更願意去做啲平時唔敢做嘅嘢——不論係開始新戀情、離開舊戀情,又或者出軌——而且更少覺得後悔或內疚。

美國臨床性學者Paul Nelson則提出一個更「顯眼」嘅原因——熱,所以大家著少咗衫;著少咗衫,所以引起大家嘅「性趣」——確實係非常赤裸嘅現實。另外大部份大型戶外活動(如音樂節)亦於夏天舉行,於是大家有更多機會認識新朋友,出得黎玩,唔爭在去埋巫山啦!

睇到呢到,你係咪會心諗:「死啦!夏天都就黎完,我仲同左手玩緊遊戲添!」放心,因為冬天(12月尾到1月)亦係另一個「交投高峰」。同夏天追求刺激,或多或少有啲隨性衝動唔同,冬天比較容易開展認真嘅關係,原因亦好簡單,因為凍。另一位性學者Lawrence Seigel指或者係因為哺乳類動物天生嘅「取暖習性」,天氣一凍人們就會希望能互相取暖渡過冬天,所以單身人士就會希望搵返個伴——當然,年尾嘅節日氣氛又係助長感情嘅一大要素啦。而且凍咪唔出街,唔出街有咩好做呀?做愛囉!所以你知點解特別多朋友9月生日呢?

簡而言之,人嘅情慾其實係會受四時變化影響,夏天係激情浪漫嘅日子,而冬天就互相取暖;再換言之,夏天過哂都未有著落嘅你唔使灰心,捱埋個秋天佢,冬天又有機會架啦!
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024