{ SKIP }
文:MenClub 魏文青  
POSTED ON 31 Aug 2018
講到全世界大有娛樂性嘅國家領導人,美國總統特朗普(人稱「侵侵」)敢認第二,怕且都只有北韓金正恩夠膽認第一。而近日「侵侵」嘅大名又再次成為花邊八卦新聞嘅標題,事關之前承認於2006年與「侵侵」有婚外情嘅美國AV女優Stormy Daniels接受知名雜誌《Vogue》訪問,再次談到與Trump Trump嘅婚外情、佢收到嘅掩口費,以及牽連甚廣嘅官司——我知大部份你哋都未必有興趣,但對於「侵侵」喺床上嘅表現你就有啦啩?
《Vogue》記者Amy Chozick於訪問一開始就希望Daniels能夠透露與「侵侵」婚外情嘅更多細節,但風趣嘅Daniels直接了當地答:「整個過程只有兩分鐘,你仲可以要求啲咩細節呢?」然後再補一槍,「應該有兩分鐘——我很慷慨」,暗示「侵侵」當時喺床上嘅表現差強人意。另外Daniels嘅攝影師朋友亦透露當年Daniels與「侵侵」搭上後,「侵侵」不停試圖打電話聯絡Daniels,打到大家都嘲笑佢「Donald Trump?Who Cared?他那時只是電視節目主持人而。」

至於就次談到2006年於一個高爾夫球比賽中認識後,「侵侵」相約Daniels到其旗下一間酒吧談心,而且又真係有傾計。Daniels指「侵侵」對成人影業貌似好有興趣,會問Daniels拍攝後會唔會有版權費、AV演員又有冇工會、甚至對AV演員沒有任何保障感到驚訝,「生意人就喜歡傾生意,那些問題很不錯。」

咁當然,「侵侵」都唔係真係約佢去傾計嘅,所以當Daniels去完個廁所出黎「他只穿底褲和恤衫,他『唏』我就…」Daniels講嘅時候翻咗個白眼,「那只是普通人的性愛。」但她亦強調二人嘅關係是自願性質,當時冇受威脅,亦深信當時要走,「侵侵」都留佢唔住,唔使#MeToo。

Daniels與「侵侵」嘅婚外情之所有咁受注目,除咗因為花生味濃,更係因為事後「侵侵」派律師Michael Cohen畀咗13萬美金掩口費比Daniels。上年Daniels就保密協議嘅有效性告上法庭,早前Michael Cohen認罪,由於Michael Cohen同時涉嫌有份參與人稱「通俄門」嘅干預總統選舉事件,於是被廣泛報導。
天氣開始涼,大家應該都越黎越鍾意自己張床,而你話有咩放鬆得過喺暖笠笠嘅被竇入面攬住你嘅另一半?若然你嘅另一半有以下呢位Karina Johnson咁好攬,咁就再凍都唔怕啦! Karina Johnson係來自菲 ...
girls
肉感滿載!「波菲」混血兒 Karina Johnson
13 Nov 2018
呢次大家不如試下唔講個_字,試下講︰「Fashion嘅嘢真係識條腸」丫!
gags
大腸也Fashion 日本浣腸劑製造商力推「大腸圍巾」
13 Nov 2018