日前，亞運韓國男子足球隊以3:1擊敗越南隊，打入賽事決賽。焦點當然就係繼續落喺效力英超球隊熱刺嘅韓國射手孫興民身上，因為即將舉行嘅「金牌之戰」將決定佢黎緊使唔使服國家兵役。

四強面對實力唔強嘅越南，韓國隊輕鬆以3:1擊敗對手，可以睇到孫興民在獲勝後係幾咁開心，因為佢離唔使服兵役就只差最後一步，只要擊敗決賽對手日本奪得金牌，咁佢就唔使服兵役了！

黎緊決賽對手日本隊，派出嘅係U21陣容，所以韓國隊還是被睇高一線的，只要發揮正常韓國隊奪得金牌嘅機會仍然係非常大的。而為左下定決心，韓國隊嘅後衛金敏在竟然揚言，如果決賽落敗，咁佢就會喺回國嘅飛機上跳落去。

現今26歲嘅孫興民就更加係許勝不許敗，因為今屆亞運係佢最後機會免除強制服兵役，否則佢將要入伍最少21個月，亦即係話佢再要離開職業球壇接近兩年時間，呢個亦都係佢生涯嘅黃金時期。

其實孫興民本身有機會一早就免除服兵役，但係佢卻錯失左韓國隊喺2012年奪得奧運銅牌及2014年亞運金牌，所以今次亞運係佢最後機會，真係一仗功成萬骨枯！

亞運足球決賽：韓國 vs 日本

日期：9月1日