{ SKIP }
文:MenClub 魏文青  
POSTED ON 04 Nov 2018
一段關係開始之時總係如同乾柴烈火,你會想完全佔有對方嘅身心靈,但隨住時間漸長、新鮮感減退、再加上各種不能再無視嘅現實問題,呢團火總會越黎越暗淡,而你對對方嘅飢餓感亦會變低,甚至跌到零,最後大家成為有生活但冇性生活嘅「無性關係」。但大家都知愛呢家嘢唔係淨係講架,要做架嘛!咁點解明明大家關係唔錯,但又會冇性?冇性又會產生咩問題?情況實在又有幾普遍?
根據我哋多次引用嘅美國性學家Dr. Lehmiller引用2008年一個研究顯示,每7個成年人就有一個係處身於一段無性關係之中;而英國《衛報》於2016年亦引用美國喬治亞州立大學嘅一個研究,指有15%夫婦於過去12個月都冇同對方進行過性行為(亦即係無性關係嘅定義),證明無性關係雖然唔算非常普遍,但絕對唔係罕見。
值得一提嘅係無性關係中必須有一方係想有性關係但唔能夠獲得,換言之背後總會有個原因。咁呢啲原因又會係啲咩呢?Dr. Lehmiller繼續引用該2008年嘅研究,指出導致「無性」嘅原因有好多,例如伴侶缺乏性趣、本身感情出現問題、性功能障礙、伴侶及自己嘅外型、以至其他疾病等。就連進入「無性」嘅過程都好唔同,有啲關係係慢慢走入無性、有啲就係突然無性、仲有啲係本身就已經冇咩性。從《衛報》訪問幾位身處「無性」之中嘅人更能夠得到一個老土但真實嘅「套路」:是但一方因為各種原因拒絕性愛,需求一方多次要求不果直接放棄,繼而轉向其他人尋求滿足(外遇、召妓、自慰甚至網上/電話性愛等)、被另一半發現後感情出現更大裂痕、更難從對方身上獲得性愛。
大部份被逼無性的一方都會感到沮喪、抑鬱及被拒絕,亦會降低自尊,有人甚至因為現實中得唔到滿足而沉醉於幻想當中,導致專注力失調,可見「無性」對生活各方面都有影響。但即便如此,Dr.Lehmiller指大部份無性伴侶都會選擇繼續關係而非砍掉重練,有接近半數人認為自己與伴侶除咗冇性之外,其他各方面都夾,重投單身市場亦唔擔保可以搵到個更好嘅人,似乎忍一忍就風平浪靜;此外無性關係大多已經維持一段時間,分手牽涉嘅額外成本(如孩子、外間觀感等)亦令人卻步。
大部份人都有性慾,但現實生活中就唔係個個都能從伴侶得到滿足。無性關係絕對唔係健康嘅關係模式,但亦有好多人無奈之下只好啞忍,或者為感情埋下更大嘅炸彈。假若真係不幸遇上如此情況,或者應該考慮尋求性治療師嘅協助,搵出背後嘅原因,亦應相討出解決、折衷辦法。 
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024