創意多多嘅日本人經常都會募資推出妄想商品，例如「6嚿腹肌Tee」、「倉鼠Tee」、「兔女郎泳裝」、「忍者泳裝」等等，而最近專門提出妄想商品嘅「Mocolle」，就有新提案，今次係黑白雙煞嘅「小惡魔泳裝」！

呢款「小惡魔泳裝」上身係高領設計，正面中間心口位仲有個心型嘅窿，畀你望到乳溝，而背面就有一對可愛嘅小惡魔翼；泳褲上都有對小惡魔角，配埋條惡魔尾真係一絕，精緻程度基本上就咁去Cosplay event分分鐘都冇人懷疑！

今次「Mocolle」仲搵嚟4位出名嘅Cosplayer，分別係サク、倉坂くるる、ツナマヨ以及non，去演繹呢套「小惡魔泳裝」，無論白皮膚定黑皮膚，一樣可以將呢套泳裝著得好靚！