話就話情侶間應該要互相坦誠，但關於性愛，如果講出真說話，又有機會破壞氣氛又或者傷害到對方，所以唔少人喺呢個Moment，都寧願講大話，而當中你又知唔知男性同女性分別講得最多嘅「性愛謊言」係咩呢？外國一個約會網站Illicit Encounters就搵咗2,000名男女做調查，問佢哋最常喺「性事」方面講嘅大話係啲咩，一齊睇睇你又有冇份講過啦！

女性︰

第1名︰隱瞞曾發生過嘅性行為次數

第2名︰扮高潮

第3名︰唔係嗰個意思時就用「我愛你」帶過

其次仲有「從來冇性幻想其他男性」、「我唔鍾意咸片」、「冇自慰過」等等。而佢哋嘅大話主要都係希望另一半唔好覺得佢哋太淫蕩。

第2名︰冇睇過咸片

第3名︰好少打飛機

除此之外仲有「從來冇性幻想其他女性」、「你睇落好正」、「我好持久」等等，不過其中一項比較有趣嘅係，男性會報大自己曾經發生過嘅性愛次數（同女性相反），睇落男性會好介意畀人覺得自己性愛經驗好不足咁。

巴打們又覺得呢個調查準唔準確呢？