新型肺炎（又稱武漢肺炎，中國新型肺炎）疫情持續，大家減少外出嘅其中一個結果，就係Netflix、Youtube流量大增，增到要降低解像度黎維持伺服器正常運作。咁作為一個男人，Youtube、Netflix睇完之後，你好自然就會開啲AV黎睇下，但根據知名男優清水健，日本AV界其實都深受疫情衝擊，未來大家更有可能冇AV睇！

據清水健於Twitter上指，目前疫情對AV界嘅影響有五點，除咗拍攝前要量體溫、少咗人買碟但多咗人上網睇呢啲對觀眾冇咩影響嘅措施之外，為咗避免「人群」聚集，所以有關顏射嘅題材大減，除咗令鍾情此道者冇得睇，更直接導致汁男嘅工作減少。另外由於日本廁紙供應不足，男優們每次只獲分配一張面紙作事後清潔。更甚嘅係，有某個片商已經決定日本黃金週，即4月尾到5月頭之前都唔會再拍片！

明里つむぎ

據知名AV達人「一劍浣春秋」分析，片商於黃金週前唔拍片未必只與防疫有關，更有可能係因為經濟不景氣導致有片商倒閉；佢亦透露知名女優「明里つむぎ」早前到台灣參加攝影會時就拜託佢哋買廁紙返日本，因為佢喺日本已經買唔到，間接印證AV界紙巾短缺嘅問題。

但又唔使咁悲觀，縱觀日本成人業界發展，九十年代日本經濟泡沫爆破後，由於付擔唔起高檔消費，AV反而成為大家熱捧嘅「娛樂」，白石瞳、飯島愛、淺倉舞、朝岡實嶺等知名AV女優亦係呢個時候出道，AV業界迎來黃金時期。所以如果你只係一個想睇AV嘅麻甩仔，未來或者會睇得更開心？