《鬼滅之刃》漫畫雖然完結，但整個熱潮喺日本依然高漲——高漲到日本有個溫泉會館休息室嘅整套1-20集《鬼滅之刃》單行本被人偷咗——不同週邊亦相繼推出。Bandai嘅「Fashion Collection」亦推出女性內衣系列，

圖片：Bandai

呢個內衣系列以炭治郎、禰豆子及「蟲柱」胡蝶忍三個角色為主題，然後再分為吊帶背心、一字膊上衣、短褲及內衣等多個款式，整體設計非常可愛。憑個紗狀微透質地再加剪裁黎講，除咗件一字膊上衣之外，其他大概只能係睡衣或內衣，但如果你同伴侶都係《鬼滅之刃》嘅Fans，而且又想試下「推倒」禰豆子、胡蝶忍或者炭治郎 (?) 嘅感覺，相信呢個系列就會為你增加唔少閨房樂趣。

圖片：Bandai

整個系列由9月28日起於Bandai Fashion Collection官網接受預訂，詳情可以去官網睇下。