黎到年尾，又係啲「年度乜乜」、「年度物物」嘅公佈時間，而日本著名媒體Modelpress旗下嘅Net Native亦公佈咗由超過8萬名網民選出黎嘅「全日本寫真大賞」五個獎項！其中大賞就由著名Cosplayer 「えなこ」奪得。

今年26歲嘅「えなこ」早於2011年嘅Comic Market C80中就已經因為出色嘅Cosplay表現而大受歡迎，往後推出過寫真DVD、Cosplay寫真集，號稱「日本Cosplay界第一人」。2016年尾更踏入主流登上《週刊Young Jump》，近年除Cosplay作品之外亦有私服、水著等寫真。

在 Instagram 查看這則貼文

えなこ(Enako)（@enakorin）分享的貼文

而新人獎得主就係18歲歲出道，今年19歲嘅寫真女優寺本莉緒。寺本莉緒身高只有150cm，但上圍就係G Cup，產生非常「巨大」嘅視覺效果，再加上可愛笑容成為今年嘅熱門新星。上年推出嘅第一本寫真集銷情亦唔錯。

在 Instagram 查看這則貼文

寺本　莉緒（@lespros_rio）分享的貼文

而偶像部門賞就頒咗畀NMB48嘅上西怜。上西怜嘅姐姐上西惠同樣係NMB48嘅 (前) 成員，以豐滿身材著稱。而妹妹上西怜今年11月推出第一本寫真亦大展不輸姐姐嘅魅力。

在 Instagram 查看這則貼文

上西怜（@jonishi_rei）分享的貼文

榜單中仲有個獎叫做「我最想要的Body獎」，不過就唔係大家諗緊嘅嗰種「想要」，而係畀女讀者們投出佢哋「最想自己都可以咁」嘅身體。結果就由有俄羅斯、葡萄牙血統、新西蘭出世嘅模特兒藤田Nicole奪得。

在 Instagram 查看這則貼文

藤田ニコル（@2525nicole2）分享的貼文

另外仲有個「男子部門賞」，奪得嘅係兼近大樹。

在 Instagram 查看這則貼文

EXIT 兼近大樹（@kanechikadaiki）分享的貼文